Ստոմատոլոգիա
Հավատարմագրման ամսաթիվը.
12.08.2005թ. (անժամկետ)
Շնորհվող որակավորումը՝ «Բժիշկ - ատամնաբույժ»
Ուսման տևողությունը՝ 5 տարի։
Դասավանդման լեզուն՝ հայերեն կամ անգլերեն։
Գտնվելու վայրը՝ Ֆակուլտետը գործում է երկու հասցեներում՝ ք. Երևան, Սեբաստիա 3/7 և ք. Վանաձոր, Տիգրան Մեծի 30/1:
«Ստոմատոլոգիա» մասնագիտությամբ բարձրագույն կրթության հիմնական մասնագիտականկրթական ծրագրի նպատակն է՝ ներքին և արտաքին աշխատաշուկաների համար պատրաստել կոմպետենտ, մրցունակ բժշկական կադրեր, որոնք պատրաստ են մասնագիտական շարժունության և ինքնակատարելագործման՝ շարունակական կրթության իրականացման համար՝ առավելագույնս կկողմնորոշված դեպի անհատի, հասարակության և պետության կարիքները։
Խնդիրները:
- իրականացնել ատամնաբույժի հաջող գործունեության համար անհրաժեշտ բոլոր կարողունակությունների ձևավորումը
- իրականացնել շրջանավարտների պատրաստում կանխարգելիչ, ախտորոշիչ, թերապևտիկ, վերականգնողական, հոգեբանամանկավարժական, կազմակերպակառավարչական, հետազոտական գործունեության համար
- ապահովել, որ շրջանավարտը համապատասխանի ժամանակակից աշխատաշուկայում ատամնաբույժին ներկայացվող պահանջներին: