Կառավարում/մենեջմենթ
Հավատարմագրման ամսաթիվ.
13.03.2002թ. (անժամկետ)
Շնորհվող որակավորումը՝ կառավարման բակալավրի կոչում «Կառավարում» մասնագիտությամբ.
Ուսման տևողությունը՝ 5 տարի։
Գտնվելու վայրը՝ Ֆակուլտետը գործում է երկու հասցեներում՝ ք. Երևան, Սեբաստիա 3/7 և ք. Վանաձոր, Տիգրան Մեծի 30/1:
«Կառավարում» մասնագիտությամբ բակալավրի կրթական ծրագրի նպատակն է՝ պատրաստել կառավարման ոլորտի տեսական գիտելիքներով և գործնական հմտություններով օժտված բարձր որակավորում ունեցող մասնագետներ, ովքեր իրենց մասնագիտական կարողություններով և հմտություններով կհամապատասխանեն ինչպես ազգային չափանիշներին ու պահանջներին, այնպես էլ միջազգային շուկայի պահանջներին:
Կրթական ծրագրի խնդիրները.
- Ուսումնասիրել կառավարման վերաբերյալ առկա ժամանակակից տեսակետները,
- Ուսումնասիրել կառավարման տեսական և մեթոդական հիմունքները,
- Ուսումնասիրել կառավարման սկզբունքները, մեթոդները, գործառույթները և գործիքները,
- Տիրապետել շուկայական տնտեսության մեջ որոշումների կայացման և իրականացման ողջ գործընթացին,
- Ձևավորել կառավարման մասնագիտությամբ ինքնուրույն գրականություն ուսումնասիրելու ունակություն և դրա հիման վրա ապահովել գիտահետազոտական աշխատանքների կառուցման հմտությունների զարգացումը,
- Ձևավորել կառավարման ոլորտում ժամանակակից պահանջներին համապատասխան գիտելիքներ և ապահովել ուսանողների կողմից դրանց յուրացումը,
- Ներկայացնել և սահմանել կառավարչական գործունեության ոլորտում գործնական հիմնավորված որոշումների ընդունման և իրականացման մեխանիզմներ,
- Զարգացնել կազմակերպությունում կառավարչական աշխատանք կատարելու կարողություններ:
Հեռակա կրթությունը հարմար է և թույլ է տալիս համատեղել կրթությունը ձեր հիմնական աշխատանքի հետ:
Հնարավորություն կա ուսումը շարունակելու մագիստրատուրայում։
